“No ste curarve de Franko”, Empoli-Venezia

Empoli - Venezia

1) La Svolta?
El calcio xe beo perchè tutti pol dir tutto.
Val tutto.
‘Eora ve digo a cossa gò pensà sabo mentre tornavo da Empoli.
Pensavo a Inter-Venezia, anno 1999, finita 6-2.
Quel giorno gavevimo ciapà un’imbarcada tremenda, ma chissà perché me ricordo de aver pensà “bon: se salvemo!”.
Perchè gavevo visto ‘na roba: el gol al volo de Maniero su lancio di 40 metri de Miceli.
Uno dei 3-4 gol più belli della mia carriera.
“Basta…sto qua xe un segnal: se salvemo”
Ecco…ieri gò avuo el stesso pensiero.
Quando?
Ovviamente a….

2) SeSegnaOkereke! SeSegnaOkereke! SeSegnaOkereke! SeSegnaOkereke! 
El commento podaria finir qua.
Se esistono “i segnali”, le “epifanie”, etc…geri ghe ne gavemo avua una.
Se ti entri al posto de uno dei migliori in campo.
Se ti entri dopo un esordio così così.
Se ti entri dopo che tutta Italia tol pal cueo el to calciomercato e parla soeo che de Ribery.
Se ti entri …e dopo 10 secondi ti segni un gol del genere….
Basta… no xe più calcio, schemi, 4-3-3, centromedianometodista etc.
Diventa ‘na roba da sciamani.
Okereke gà fatto un gol arrogante, matto, spensierato, eccessivo: un gol che è l’emblema della Venezianità.
Mancava soeo che venisse su anca l’odor de frittoin.
De colpo, DE COLPO!, sto gol ne gà ridà fiducia a tutti.
E gà serà ea bocca a tutti i becchini ma’edetti che ne gaveva già fatto el funeral dopo 2 partie e meza.

3) La Bestia (Arancio) Nera (Verde)
Se semo ea bestia nera de qualchiduni, xe del Monza e de l’Empoli.
Metteve ’n attimo ne’a testa de un Empolese.
Ea rimonta col tacco de Pippo, l’imbattibilità persa l’anno passà, i do pattoni ciapai sabo pomeriggio… no digo che a Empoli i se tocca i baracoccoi co zoghemo contro de eori, ma sicuramente tanto caro no gà da averghene.
Tipo quando nialtri zogavimo ('na volta! ‘desso basta!) contro el Pordenon.

4) Serie A…ramu:
Mattia te scongiuro: mettite subito un fià de Voltaren su quea gamba e varda de star ben, ché ti ne servi come el pan dentro ea tecia de ‘na saltada de peoci.
Anca perchè te gò fatto comprar a Fantacalcio a ‘na tonneata de me amighi in giro par l’Italia, e, tra squalifiche e infortuni…se no ti zoghi i se vendica sul me barchin.

5) Henry
Probabilmente el primo Francese a cui ghe vogio tanto (ma tanto!) dopo Jean Paul Belmondo, Alain Delon e Brigitte Bardot (chè ve ricordo no xe Francese: xe direttamente de un’altro pianeta).
Brutto, sporco e cativo: esattamente come gà da esser el me attaccante preferito.
Gò anca visto che “coco” in Francese xe scrive come in Venessian, per cui….merci beaucoup coco!

6) Mazzocchi
“Ciao ciao Peocco!” 
(Ogni riferimento a dirigenti di squadre brianzole è puramente voluto).
Tenere Paco è stato uno dei colpi di mercato migliori che abbiamo fatto.

7) Johnsen.
Eora….no xe che el fio gabbia sbaià sport… perchè fin che resta a 10mt da ea porta xe devastante. 
El problema xe co sta a manco de 10mt da ea porta. 
Na volta che el xe più vissin de 10metri, el va in azeo co tutto. 
Tipo Chef Rubio a ‘na cena de gala a Buckingam Palace co ea Regina.
O Emilio Feltri che fa na passeggiada in Via Piave.
El va in azeo proprio…
Denis…traverse e pali gavemo visto che ti xe bravissimo a colpirle.
I portieri anca.
Adesso mancaria soeo che na roba…

8) L’Eletto
Eora… come fasso a spiegarve…
So in stadio. 
Ore 16:27.
Vedo che esce Vacca, fin li peraltro monumentale, e che entra Okereke.
Mando il seguente messaggio whatsapp a un me amigo che xe drio vardar ea partia su DAZN per avere conferma del cambio.
“è pazzo” (riferito a Zanetti)! Okereke per Vacca? Ho visto bene?”
Fasso ea faccia da guappo, da queo che capisse de calcio e metto via el te’efono.

(Sapete tutti cosa succede 10 secondi dopo…)

Ore 16:28
Riprendo pacatamente in mano il telefono, desideroso di fare pacatamente ammenda e riconoscere con signorilità i meriti del mister.
Faccio partire il seguente messaggio vocale a quel mio amico.
“NO XE MATTO!!! XE UN GENIO!!!! XE UN GENIO!!!! XE UN GENIOOOOOOOO!!!!
Il tutto con una voce e un’enfasi che Joe Coker a Woodstock in confronto g’era afono e sotto valium.
Uno dei momenti migliori della mia carriera di tifoso.
L’ho risentito stamattina appena sveià e invesse del caffè gò dovesto farme na tisana.
Zanetti fioi...no gò bisogno de Recoba sto anno.
Eo gò già, sentà in panchina.

9) Gli Altri
Bene tutti, da Caldara (eccolo!) a Cecca (rieccolo!) a Domen, a Vacca (mimorti che partia), a Busio (…Busio….mamma mia che forte che rischia di essere sto fietto qua…), etc.etc.etc.
Ah, ocio: mi è piaciuto anche Schnegg.
Approposito: no so se sia vero che Schnegg gà domandà el cambio perchè xe ‘ndà in azeo e ghe girava ea testa, ma nel dubbio vorria dirghe na roba:
Ou ‘more: vara che te voemo ben tutti anca a ti eh?
Animo eh…che da ste parti “schei e paura? mai avui!

10) Tegoina
A tegoina no podarò mai sigarghe “bueo”, neanca se el finirà a zogar al Padova.
Però “Vicario salta con noi” e “Vicario prendine un altro” quelli sì, quelli li posso cantare.
Anca perchè quando zoga contro de nialtri me par che vinsemo sempre (se non sbaglio, oltre a ieri, Venezia-Perugia de 2 anni fa).
Un abbraccio coco!

11) Ea Brigata Football Manager
Ai fioi sempre presenti de L’Armata 1 Novembre, del Gruppo Recanati, del Collettivo ArancioNeroCovid, etc. etc. sto anno se gà unìo un nuovo Gruppo: i Direttori Sportivi, meglio noti come i Player Managers.
..E a sti qua no ti ghea fa miga eh?!
Eeeeeeh no….
“Gavemo massa stranieri”.
“Gente che no gà mai zogà in A”.
“Ma dove i gà rancurai sti qua?!?”
“Ma ti vol metter RIbery e Simy?!?”
“Mi gavaria tenuo Zigoni!”
Etc. etc. etc..
Pò segna do sbarbai, stranieri, mai stai in Serie A…e quei che gà tolto Ribery e Simy ciapa 4 baeoni a Torin…
..ea Brigata Player Managers…perfetti: su coe man fioi!!!!

12 L’Undicesimo Comandamento
“Non avrai altro Mister al di fuori di me”
Promesso Mister!
Tu dire io fare.

Ou..che sia al Penzo, a Ferrara o a casa de Okereke… domenega bisogna 'ndar a darghe na man ai fioi.
Anca perchè…
….SeeeeeeeeeeeeeeeeeeeSegnaOkerekeeeeee!!! SeSegnaOkerekeeeee! SeSegnaOkerekeeeee!  SeSegnaOkerekeeeee! 

Ciao fioi,
..e ricordeve che semo beissimi!